آآآآآآآآآآآآآآه يا وطن
كل ما حكوا عنك بخاف
بخاف انسى وطن انسرق
أو إنتا تنسى شعب من حضنك طردوه
عم يقولوا الوطن ما بينسى ولاده
بس الخوف الاولاد تنسى الوطن
شو بخاف يا وطن
تكبر بينّا الغربة
وما نعرف بعض
شو بخاف من لحظة ألم
صرخة نِدا منك
تمر من جنبي وما اسمعها
أو دمعة تنزل على خدك وما امسحها
آآآآآآآآآآآآآآآآآه يا وطن
لو بتلومني على التقصير
عالبعد
والهرب من تأنيب الضمير
لو بتصرخ فيني يا وطن
بتهزني
بتبكيني
بس حنون انتا يا وطن
بتحمل عزابك بصمت
بتخبي الجرح والدمعة
وحتى ما تزيد عزابي
وغربتي
ونار شوقي
كل ما لمحتك
بابتسامة بطمني
وانك بخير بتخبرني
آآآآآآآآآآآآه يا وطن
شو بحبك أنا
سامحني يا وطن
ما كنت بتمنى
أبعد عنك بيوم
بس هيك القدر
نبعد
ونشتاق
وتبقى لقلوبنا النبض
واكبر حلم عايش فينا
عم يكبر معنا
ويزرع الأمل فينا
آآآآآآآآآآآآه يــــا وطـــــن
الاشتراك في:
تعليقات الرسالة (Atom)
ليست هناك تعليقات:
إرسال تعليق